Jeff Bezos yongeye kwisubiza umwanya wa mbere mu bakize ku Isimu gihe abandi bari mu gihombo

Posted on: 16 Apr,2020 06:51:05 by RUGAMBAGE Zikkilla



Mu gihe ubukungu ku Isi yose bwasubiye hasi kubera icyorezo cya COVID-19  giterwa na Coronavirus, umuherwe Jeff Bezos we akomeje kunguka akayabo k'ama miliyoni y'amadorali byanamuhesheje kwisubiza umwanya wa mbere w'abatunze agatubutse ku Isi.

 

Jeff Bezos washinze urubuga rw'Amazone rugurirwaho ibintu bitandukanye yisubije uyu mwanya mu gihe wari umazeho iminsi uriho umufaransa Bernard Arnault.

 

Ibi, Bezos abicyesha kuba urubuga rwe turi kwifashishwa n'abantu benshi baruguriraho ibintu muri iki gihe Isi yose iri muri gahunda ya Guma mu Rugo (#Stayhome) hagamijwe kwirinda no gukumira ikwirakwizwa ry'icyorezo cya COVID-19.

 

Jeff Bezos yungutse akabayo kangana ka miliyari 24 z'amadorali y'Amerika ari nayo yamusubije ku mwanya wa mbere.